陳展鵬被惡搞死訊定欣籲冷靜

一直與藝人胡定欣是「緋聞情侶」的陳展鵬，與港姐單文柔爆出緋聞，縱然連日來定欣、展鵬及各方好友都力證「展定戀」從未戀過，但粉絲卻非常肉緊，昨日展鵬更被惡搞死訊！有人於社交網開設一個頁面，以rip_rucochan（Ruco為展鵬英文名）為名，留下惡毒字句指：「陳展鵬1977-2017終年40歲，賤男陳展鵬唔死都冇用……」更上載展鵬黑白圖片；另外又有人開設社交網戶口，以「正日（14號）死忌的陳展鵬在北角香港殯儀館設靈」為題，自製假新聞報道。

北京拍劇報平安

對於如此惡毒的惡作劇，記者聯絡身在北京拍攝劇集《天命》的展鵬，他大方以短訊回覆：「多謝大家關心，我依家仲喺北京拍緊劇！」展鵬亦於其FB上載一張在北京拍外景時的「和珅」造型照，不少好友及網民都讚甚有氣派，更有人留言：「和大人好型！」由於北京正下雨，於等候拍攝期間，展鵬與張國強齊齊唱歌，他還放片上網，心情完全沒受無聊惡作劇影響。

陳展鵬以「和珅」造型在北京拍劇。	單文柔與陳展鵬傳緋聞，連日惹來不少批評。	胡定欣心情沒受影響，昨與新劇拍檔參與拜神。

傳訊息「耍冧」

至於定欣昨日出席劇集《宮心計2深宮計》拜神時，坦言拍劇開心，心情沒受影響，提到網民替她不值，她說：「唔好咁諗，新聞都過咗成個星期，支持者嘅睇法唔一樣，希望大家冷靜啲，唔好惡意抨擊，呢啲係藝人唔想見到嘅！」至於單文柔被鬧爆，定欣指要待事件過去，又透露展鵬有傳訊息給她說不好意思，問展鵬可曾追求她？定欣斬釘截鐵說：「冇、冇、冇，大家信吓我哋，一路都係好拍檔、好同事！」

文：影視組