JW同男友糖黐豆見埋家長
歌手JW（王灝兒）前晚綵排明日及周六（24及25日）在灣仔伊館舉行的音樂交流活動，屆時會以香港代表身份與各地歌手分享音樂，她說：「好榮幸，不過都考起自己，因為要同班學生唱A cappella。」問到會否感壓力？她說：「唔驚，後面成班人令我膽大！」
提到本報獨家踢爆她與富二代葉韋彤拍拖後，兩人經常孖住入馬場睇比賽，問到是否好事近？JW否認：「唔係，我同馬會有合作，會出席佢哋嘅活動。」記者笑指她已有半個身踏入豪門，她即耍手擰頭說：「千祈唔好咁講，我都好勤力工作！（見過雙方家長？）有。（未來奶奶讚你係好新抱？）唔係咁，暫時大家穩定，同埋唔係同居。」
此外，JW的馬主男友葉韋彤昨日首次以個人名義拉頭馬，贏得約47.8萬獎金，問到愛駒為何取名「一支梅」？他笑說：「有段時間股市好差，但自己公司嘅股價依然硬淨，所以改咗呢個名。」