江若琳周慧敏齊齊喊

江若琳（Elanne）將推出全新廣東EP，主打歌《小燈塔》劇場版請得周慧敏（Vivian）「聲援」錄旁白，Elanne指Vivian是其女神級偶像，雖然見面時間不多，但前輩總在她最難過時，透過共同朋友給她鼓勵，當她創作有關自己故事的新歌時，就第一時間想起對方：「Vivian就係我嘅『小燈塔』，所以膽粗粗邀請佢幫我錄旁白，佢一口答應，我激動得流着兩行眼淚。」Elanne當日也有陪Vivian錄音，聲音響起時，兩人竟然不約而同被歌曲感動而流眼淚，Vivian說：「我覺得同Elanne嘅合作好有意思，佢話我知首歌係想分享佢嘅故事之外，最重要係希望同社會發放更多正能量。」