袁偉豪「股」其餘勇：唔露冇嘢撈
無綫新劇《使徒行者2》演員苗僑偉 （三哥）、黃翠如、袁偉豪、宣萱及周柏豪等前晚上在尖沙咀出席劇集煞科宴，袁偉豪在劇中有不少騷肌鏡頭，更要除剩底褲激凸跑街，原來他還自薦拍攝更激的露股戲，他笑說：「乜都除晒，唔露冇嘢撈。有場戲要救翠如，都已經除剩底褲，我同導演提議不如除埋有個喜劇效果，成個Pat Pat見晒，但就要睇下出唔出到街。」
翠如睇得多嗌悶
翠如取笑袁偉豪是「派福利」：「嗰場戲啲女工作人員睇到好興奮，叫晒話好白呀！我就睇得太多，覺得好悶，袁偉豪係全劇最性感嘅演員，大家睇佢好過睇我。」問黃翠如可希望男友蕭正楠學袁偉豪爆肌？她笑說：「佢好難，大家市場唔同。」
三哥指拍攝時由泰國、香港到深圳取景吃不停，很有口福。問到煞科可有不捨？他說：「套劇拍咗五個月，大家拍得好融洽，亦係TVB同騰訊第一套合拍劇，好期待出街。」他隨後將拍無綫另一套合拍劇《飛虎極戰》，已為新劇跑步操弗身形準備，他笑說：「我唔係做飛虎，冇咁大年紀嘅飛虎隊，我係做O記嘅角色，飛虎留番畀啲後生仔黃宗澤、吳卓羲做啦，佢哋都已經操得好犀利。」