與奧斯卡影后珍妮花羅倫絲（Jennifer Lawrence）數度離合的27歲型男尼古拉斯霍特（Nicholas Hoult），近日被傳搭上24歲《花花公子》（Playboy）索女Bryana Holly！有指二人撻着幾個月，起初於洛杉磯拍拖，現時密密孖住到外地爬山。Bryana仲做埋「跟得女友」，成日飛到倫敦見男友！知情人士指：「尼古拉斯將有五部作品推出，工作好忙，兩個好難夾好時間，不過只要可以見面就會好開心，四圍睇戲、睇騷、拍拖。」
Bryana曾與里奧勒度狄卡比奧（Leonardo DiCaprio）傳緋聞，亦跟真人騷男星Brody Jenner一齊，現身對方節目，傳她今次勁享受低調拍拖。