由黃耀明、劉以達組成的達明一派昨日為本月23至25日於紅館舉行的《達明卅一派對演唱會》綵排，同場有40名舞蹈員及20人組成的銀樂隊。記性麻麻的劉以達不停要舞蹈員提醒企位，達明一派表示準備得八八九九，劉以達笑說：「好多嘢記，應該記唔到咁多。」黃耀明直認演唱會頭場必會有蝦碌，他說：「好彩舞台係直，冇東南西北咁複雜。」
問到會否請近日惹官非的關淑怡睇騷？黃耀明說：「乜人都請，歡迎佢嚟睇。（佢精神狀態好嗎？）好耐冇見佢。」問演唱會有否嘉賓？黃耀明說：「有難度。（搵好友何韻詩？）大家嚟就知。」
