翁嘉穗「絕招」抗冒牌 汪明荃出動私伙珍藏
藝人汪明荃（阿姐）早前為代言的海馬牌床褥拍攝廣告，集團主席鄔友正的太太翁嘉穗表示內地冒牌貨猖獗，阿姐是正牌和信心保證，她說：「內地好多冒牌，內地有電視台專題報道，啲客除咗認我哋個名，仲會認住汪明荃，所以呢個都幫到我哋！」談到跟阿姐合作長達29年，她續說：「好開心維持咁長嘅合作關係，佢睇住我哋成長，公司都係30周年，即係第二年已經同阿姐合作。」
做瑜伽顯彈性
翁嘉穗透露今次拍廣告，阿姐給了很多意見，更出動私伙衫：「阿姐出動私人珍藏，有晚裝同登台衫，其中有件紅色嘅裙係劉培基設計，佢話呢件衫同佢搵咗好多錢，好多時登台都係着住佢。另外有啲鏡頭佢瞓喺床褥上，同時做瑜伽動作，可以展示佢筋骨嘅柔軟同彈性，又可以顯示我哋床褥嘅承托力。」
早前集團舉行了30周年春茗活動，翁嘉穗謂將偕丈夫在復活節到新加坡旅行休息。她又透露剛收到好消息，其品牌連續第8年榮獲《讀者文摘》頒發的白金獎，令他們更信心大增。
