任達華牛一私拍 乖女教擺甫士
影星任達華昨日62歲生日，他選擇工作中度過，並透露凌晨踏入生日一刻，太太琦琦和囡囡任晴佳突然捧着蛋糕為他慶祝，令他大為感動，囡囡更拿出多部手機拍下眼中的好爸爸模樣，在女兒眼中，任達華永遠有型、風趣和有魄力。
向來工作認真的任達華，即使生日也沒特別向劇組請假，昨日返內地開工，至於琦琦在社交網po了多張任達華的生日獨照，原來是囡囡任晴佳操刀的傑作，琦琦說：「生日快樂，面對女兒的相機鏡頭，爸爸的表情和眼神包含了所有的愛，滿滿的愛，Happy Birthday！」琦琦又上載與老公的浪漫合照，照片中任達華回頭及伸手向着身後的琦琦，表達了夫妻同行，任達華永遠在身邊守候，琦琦說：「生日快樂，我的人生知己，一句賀詞濃縮了我的千言萬語，Haaaappyyyy-birthday！」
簡單為上 享家庭樂
琦琦事後表示老公喜歡簡簡單單，生日不愛鋪張：「佢話有我哋同佢吹蠟燭就最開心，佢唔鍾意成班人一齊，我每次話租個地方，請live band請啲好朋友一齊同佢慶祝，佢就話千祈唔好，佢鍾意簡簡單單。」
正身在內地開工的任達華，表示完成工作後便立即返港再享家庭樂，他承認生日不愛大事慶祝，能夠與家人一齊開開心心食餐飯已經好滿足，他說：「凌晨太太同囡囡突然推蛋糕出嚟，囡囡攞住5、6部手機對住我狂影，又教我擺甫士，有啲影相、有啲拍短片咁，佢仲親手畫咗張寫住I love you嘅卡畀我。唔知係咪遺傳，囡囡對影相好有自己嗰套，平日佢好早瞓，尋晚因為我而捱眼瞓。」
太太送鞋 即着開工
問到生日願望，任達華說：「希望囡囡快高長大就得，同埋香港人和諧，中國人自強不息。」他又透露太太琦琦送了大批衣飾給他做禮物：「其中有對好靚嘅新皮鞋，我今日即刻着住嚟開工。」稍後將接拍內地電影的他，會中港兩邊走：「因為要影magic hour呀，我本攝影集仲有10%未完成，但5月要交貨，惟有辛苦啲啦。」
文：名人組