「老婆買乜就買乜」 甄子丹教路：聽話會發達
出名愛妻的甄子丹昨日偕太太汪詩詩出席馬場活動，他自言沒有橫財命，但強調男人要聽老婆話才會發達，又指近期難得在港，會跟進小朋友功課，但就揚言教小朋友比拍戲更難。
「宇宙最強」甄子丹昨日以打吡大使身份與太太汪詩詩出席沙田馬場舉行的《寶馬香港打吡大賽》，同場還有詩詩胞妹汪圓圓與丈夫蔡加讚、香港首位華人女騎師江碧蕙與法籍未婚夫Jerome、太子珠寶鐘錶主席鄧鉅明夫婦、名模Ana R.、藝人宋熙年、前港姐楊婉儀夫婦、李姿敏及劉倩婷等，場面熱鬧。
代老婆見校長
子丹表示愛駒今次無份出賽，仍需繼續努力，問到是否以國際大賽為目標？他說：「唔一定，首先喺佢自己個級別做到更好嘅成績先。（會唔會再買良駒？）我都係玩吓，唔係好識。（會唔會落注？）少少哋都一定要買，志在參與。（你有冇橫財命？）我聽太太講，佢話買乜就買乜，買馬買其他嘢都係，因為我嘅選擇都係錯，例如揸車，我話轉右，咁就一定係轉左先啱。（聽太太講會發達？）係呀！男人要記住呢句金句！」
除聽老婆話外，子丹對一對子女亦愛錫有加，他透露最近為電影補戲，留港時間較多，不時會跟進小朋友的功課：「可以跟吓小朋友嘅功課，太太可以休息吓，我可以見吓老師同校長。（你都會幫小朋友睇功課？）唔係日日跟到，我覺得教小朋友要有個系統，唔可以太嚴，又唔可以太鬆，否則佢哋會心散，要適當，所以仲難過拍戲。」
李姿敏腳頭好
前港姐吳婉芳的丈夫胡家驊上月離世，昨日胡家驊家族名下愛駒「喜蓮獎星」及「喜蓮彩星」有份出賽，「喜蓮彩星」更參與香港打吡大賽，胡家驊的兩名兒子胡智略及胡智同、家驊胞弟胡家驃與家驊生前好友許晉亨齊齊現身沙圈捧愛駒場，智略與智同跟許晉亨全程言談甚歡，似已走出喪父陰霾，可惜愛駒最後未能奪獎。
反而另一前港姐李姿敏與好友劉倩婷結伴到場，可能人逢喜事精神爽，其未婚夫練馬師賀賢的愛駒亦勝出賽事，兩女齊齊開心拉頭馬，賀賢亦即場錫錫李姿敏晒恩愛。至於江碧蕙與Jerome將於明日結婚，江碧蕙坦言婚禮由自己一手包辦，Jerome花了兩個月時間寫誓詞，直至前天才完成。
文：名人組