《月亮喜歡藍》監製素食男訪港破戒
奧斯卡「最佳電影」《月亮喜歡藍》（Moonlight）監製Andrew Hevia於香港接受本報專訪，談到頒錯獎事件，他坦言意想不到，自己本身也喜歡《星聲夢裡人》（La La Land），以為對方會得獎，又指賴恩高斯寧（Ryan Gosling）在台邊逐個跟他們握手講恭喜，表現大方。
Andrew拍完《月》曾因傅爾布萊特計劃來港交流10個月，香港成為他最愛城市，大讚淺水灣是世界級海灘，他又笑言香港美食令他「破戒」：「我自細就係素食者，食咗31年，但我搬咗去香港後，愛上咗食海鮮！我又鍾意食點心，返唔到轉頭，但我冇後悔！」
Andrew透露將與香港導演王新國合作拍攝一套以香港為背景的懸疑驚慄片，講述英國出生的華人女子來港拍照，無意中拍到犯罪過程而惹來追殺。於邁阿密土生土長的Andrew自言因古巴血統，總有「局外人」感覺，與新片角色心態呼應：「電影類型雖然同《月》完全唔同，但共通點係《月》係由地方啟發嘅故事，當你睇到邁阿密個豐富文化背景，可以提煉出唔同故事。香港係個好豐富嘅地方，充滿各種故事，而呢一面係我未喺電影世界見過，希望呢部電影可以為香港做到，好似《月》為邁阿密做到嘅咁樣。」