朱智賢愛犬超細膽闖禍匿埋怕打打

無綫主播朱智賢（Ashley）向來是愛狗之人，不時在社交平台分享愛犬「冬甩」的可愛照，不少網友都大讚小狗可愛！Ashley指今年9歲半的「冬甩」是迷你松鼠狗，是她當年在新西蘭留學時買來飼養，問到可有趣事分享？她說：「有次帶咗佢去朋友屋企，由於係個陌生地方，所以佢唔敢去廁所。佢好驚，仲忍咗幾個鐘，但最終忍唔住瀨咗出嚟，之後佢即刻匿埋咗，因為驚畀人鬧！佢匿喺床下底，個樣仲好內疚。」她指事件令她發現「冬甩」原來很擔心被主人責罰，笑說：「我知佢都唔想，所以我有氹佢出嚟，冇話過佢。」