林作願婚後為奴跟埋老婆姓
前大律師林作昨日錄影節目剖白愛情觀，直言婚後會變老婆奴，甚至願意夫隨婦姓：「我絕對係怕老婆，成副身家畀晒佢，願意改姓！」他又自爆成日捱鬧，試過被女友鬧到無地自容，但依然絕不駁嘴。
林作昨日為ViuTV節目《晚吹－總有一件喺左近》擔任嘉賓，他透露於節目中大談情史及愛情觀，期間更揚言日後結婚會變成「老婆奴」，甚至願意跟老婆改姓：「我絕對係怕老婆，成副身家畀晒佢，願意改姓！（你媽咪畀咩？）我係單親家庭，佢應該同前夫比較懷恨在心，我唔跟佢姓林，媽咪可能比較爽！」不過，他笑言其實不喜歡口齒伶俐的女仔，怕自己會成日捱鬧，又試過被女友鬧到無地自容：「會好煩，我經歷係成日畀人鬧！（前度鬧到你點？）狗血淋頭、一文不值、無地自容，真係冇咩地位，造就我今日冇自信。（你唔反抗？）冇得反抗，打者愛也。（你口才咁好，唔話番佢哋？）感情冇得贏，男仔要有風度同忍讓。贏咗場交，輸咗頭家，何必呢？」
對外國美女冇生理反應
問到今次分享與前度的故事，會否擔心激嬲過往的女友們如麥明詩？林作表示不會開名講，亦不針對任何人。他又自認戀愛經驗少，但歷任女友均就讀法律系：「經驗好少，五隻手指數晒，當年寒窗苦讀，生活苦悶。（前度全部係同學？）大部分唔係，但全部讀法律。」林作自爆無法與外國美女拍拖：「生理問題，冇任何反應。」
談到目前是否單身？林作拒回應：「鍾意多啲自由，我Facebook Status永遠寫單身。（另一半會冇安全感？）冇畀過任何人安全感。（唔畀身份女朋友？）點會唔畀？但唔會公開。」記者就此聯絡麥明詩，她表示不作評論：「佢嘅嘢你問番佢喇！」
文：影視組