美艷人妻陳煒身材好眾所周知，而她於將播出的一集無綫劇《我瞞結婚了》中有一場全裸出浴戲被打格處理，效果未見香艷，反之相當搞笑，陳煒說：「從演以來都算係一場最冇美感嘅出浴戲，但好有喜劇效果！」於劇中飾演巴辣女強人「黑魔后」的她，背後其實很孤獨，劇情講到她沖涼時跣低扭傷頸動彈不得，赤條條攤在地上，只能打電話急召飾演其下屬的黃翠如來營救，無奈下被睇全相。陳煒說：「場戲好笑，佢趕嚟救我，我同佢哭訴！」
向來性感演出冇難度的陳煒，直言今次處理「全裸戲」感尷尬：「係尷尬o架！又冇得擺靚甫士。（有咩準備？）着咗肉色打底Top、打底褲。（清場？）冇，拿拿聲拍咗去，費事張揚引嚟多人圍觀。（犧牲大？）有戲劇效果就得啦！場戲表達咗女強人背後辛酸，內心空虛，好值得人同情！」而有得睇「全相」的翠如大讚：「煒哥由外到內索到爆，身材好正！」