男友共事互相監視？王敏奕 蔡穎恩：有都唔講啦！
藝人王敏奕與蔡穎恩昨日出席活動，稱由於雙方男友是合作夥伴，她們因而成為閨密，問到是否利用對方男友監視自己的另一半，二人齊聲說：「冇……有都唔講啦！」
王敏奕（Venus）與蔡穎恩（Evelyn）昨日到尖沙咀出席「Nina Ricci閨密香氣Luna Blossom甜美登場」活動，Venus被問到是否利用Evelyn的男友監視自己男友曾國祥，她說：「冇……有都唔講啦！我同Evelyn係惺惺相惜，我有留意佢作品。（你哋會喺睡房閨密Girl's Talk？）嗰啲係中學時代嘅，我哋依家多數會約埋出去食嘢同講開心嘢。（鍾意晒幸福？）唔係晒，係講事實！（兩Pair一齊結婚？）如果要約埋，佢應該等唔切，因為我仲有好多嘢未做！」
約埋結婚？要等求婚
Evelyn對於「約埋結婚」的提議則笑說：「女仔好被動嘅，如果我哋強勢到去求婚嘅話，就係另一個故事，我諗我哋唔係咁強勢！（會互相監視對方男友？）冇，我同Venus熟落係因為有共同話題，通常見面，班男仔圍埋一邊，我哋就喺另一邊，我同Venus嘅性格都好宅女，鍾意做運動、煮飯同煲劇。」
文：影視組