63歲美國名嘴奧普拉（Oprah Winfrey）日前登上自家雜誌封面晒盡勁減45磅身形，力證寶刀未老，而33歲金像女星嘉碧絲狄比（Gabourey Sidibe）更晒冷喪甩100磅肥膏，出書講縮胃「脫肥」血淚史！
奧普拉雖然年過60，但前年入股減肥諮詢公司「Weight Watchers 」的她仍身體力行做生招牌，積極減磅，近日更在自家出版雜誌《O》騷減去45磅的收身成果，仲話感覺正到不得了！奧普拉於訪問中分享自己不僅靠節食對抗肥肉，更要改變整個生活習慣，還風騷說：「我依家每次離開飯枱都好滿足。」
此外，《天生不是寶貝》（Precious）黑人女星嘉碧絲早年接受奧普拉訪問時雖曾表示為「加大碼身形」而驕傲，但近期就喪減100磅，還出書分享經歷，原來她去年5月被確診患上糖尿病，一度恐怕嚴重到要截肢，最後接受縮胃手術減肥：「醫生話佢哋將我個胃切咗一半，可以控制我嘅胃口及食量。」她表示手術並非簡單出路，自言有下苦功堅持才成功減磅。她又自爆曾患抑鬱症與焦慮症，而未入行時，第一份工作是色情電話工作者！
文：外娛組