養狗學湊B關心妍愛犬呷囡囡醋

歌手關心妍（Jade）飼養比熊犬Yogi及迷你茶杯貴婦狗Butter，現年16歲的Yogi是當年她送給媽咪的「禮物」：「因為我要入行做歌手，工作好忙，所以搵咗隻狗陪媽咪。依家Yogi跟媽咪住，不過因為我同媽咪住得好近，Yogi會成日嚟我屋企玩。」而Butter則是3年前Jade很想生BB，但遲遲未有喜訊，所以跟老公商量：「不如我哋養隻狗，學習吓一齊照顧一樣嘢先啦。」結果養了Butter兩年多，Jade就懷有囡囡楊榮心（心心）。
Jade以「手心又係肉、手背又係肉」來形容Butter和心心。
Jade以「手心又係肉、手背又係肉」來形容Butter和心心。

問到Butter和約半歲大的囡囡相處如何，Jade指Butter曾呷女兒醋，皆因未有心心前，Butter在家中受萬千寵愛，但心心回家後，因女兒年少自然多受照顧。不過現時Butter和女兒的融洽程度已有改善，Jade表示：「初時Butter唔理心心，但我哋教佢每朝畀一塊餅餅Butter食，依家Butter每朝都會等心心起身，我諗再過一段時間，Butter就會黐住佢。」Jade又話不少媽咪擔心寵物可能令BB致敏，但其醫生表示只要狗及屋企保持清潔，基本上對初生嬰兒不會有任何影響。

Jade不准Butter和Yogi入廚房，牠們惟有在門口等食。
  • Jade不准Butter和Yogi入廚房，牠們惟有在門口等食。
Butter每朝都會等心心起身。
  • Butter每朝都會等心心起身。