孫慧雪一蚊家用都冇
34歲有「宅男女神」之稱的女藝人孫慧雪，去年十二月與圈外男友羅天彥拉埋天窗，到今年二月再宣布有喜懷有身孕，真是幸福滿瀉。快將榮升媽媽的孫慧雪現正安心養胎，已減少出席公開活動，不少粉絲都想知她的懷孕生活，而孫慧雪亦會透過社交網報告近況。昨日，她在藝人張明偉的社交網留言，當中張明偉開甫問：「拍拖點解要人畀家用？」孫慧雪留言說：「就算我結咗婚都無收過1蚊家用。」隨後還加上一個喊樣的Emoji表情圖案。
家庭要雙方努力
雪雪bb的「無家用」回應一出，令好多網民關心她的婚後生活，有網友讚她婚後「財政獨立」表現出女性獨立的一面，亦有網民笑說：「唔緊要，BB收都一樣。」本報聯絡到孫慧雪，她說：「係我留言呀，因為我覺得呢個時代男女平等。（婚後財政獨立？）我覺得如果可以自給自足，經濟獨立係好事。一個家庭應該公一份、婆一份，大家一齊努力。我老公好想養我o架，但我怕自己因此會懶，冇咗自主能力啫。」
文：專案組