艾威浸大開課學生唔願落堂

艾威（左）開班授課，學生聽到唔捨得落堂。

藝人艾威獲大學邀請傳授演藝心得，日前上完第一堂後如釋重負，他說：「起初浸大邀請我，我都有啲猶豫，怕教得唔好，唔止影響自己，仲影響埋校譽，入行咁多年，前所未有咁大壓力！不過上完第一堂，估唔到自己原來都可以講到6個鐘頭嘢喎，啲學生聽到唔捨得走，但我有嘢做，惟有留番下堂再講啦！我今次目標好清晰，唔係求自己做好教師工作，係想啲學生4個星期後演技更上一層樓，能夠做到教學雙長就更好！」

• 艾威應大學邀請，與學生分享演藝心得。

傳授演藝心得

艾威表示會以恩師為榜樣：「我諗番起當年讀TVB，受程乃根老師影響最深。佢有個測試學生廣東話咬字嘅測驗，我係第一個考到100分嘅學生，贏到盒朱古力！講真，當年佢點教我，我好多都唔記得晒，但我會將40年嚟嘅演藝心得融會貫通，希望幫到啲學生！」

文：影視組