顏福偉為公益 碌爆人情卡

既熱心公益又愛唱歌的顏福偉昨晚以白花油國際有限公司執行董事身份到場,他坦言白花油未來會與樂施會合作公益事務,幫助東非受旱災影響的人,他說:「今次都碌咗好多人情卡,搵咗好多藝人朋友嚟支持呢個晚宴。」

藝人Kawaii和關伊彤為晚宴擔任司儀,襯晒顏色亮相,大晒十五年來的默契,工作之餘她們會齊齊去玩,如經常去掟飛鏢,Kawaii更大爆關伊彤因而認識了老公:「但係我自己掟咗咁耐都仲未有對象!」關伊彤最近接了一個減肥廣告,要靠食水晶粉同粉絲去Keep Fit,張啟樂亦拍同一廣告,要戒澱粉質三個星期:「個人好空虛好易躁,郁啲都粗聲粗氣!」