莊思敏Dry爆 唔抵得妹妹有拖拍
藝人莊思敏昨晚出席和興白花油晚宴，自認Dry爆的她呻冇仔約，又表示最近豪花七位數在瑞士研發補濕噴霧，笑言一度想找蜜運中的胞妹思明代言，但說：「佢唔使補濕啦！咁Sweet，要送抽濕器就真！」
莊思敏、姜皓文、盧海鵬、林建明、胡楓、徐肇平及余安安等昨晚到銅鑼灣出席「和興白花油90周年聯歡晚宴」，現場星光熠熠，大會宣布今年將聯同香港樂施會進行連串籌款活動，並且會繼續跟榕光社合作。
莊思敏表示最近拍攝重頭劇《溏心風暴3》，飾演李成昌老婆，跟好戲之人米雪有很多對手戲，令她既開心又有壓力：「但要做多好多準備工夫，好似我通告係早上7點15分，我6點半就到，壓力好大！」因主線未拍到其戲份，故拍得相當舒服，卻大呻冇仔約：「班男性朋友以為我好忙，個個都唔約我，冇晒約會囉！」
林建明盧海鵬活寶貝
此外，莊思敏又透露花了七位數在瑞士研發補濕噴霧，將會註冊並陸續生產其他化妝品，笑言打算找妹妹思明及其男友楊明代言：「諗諗吓佢哋唔使補濕啦！咁Sweet，要送抽濕器就真。（你唔抵得喎！）係(口架)！我就Dry爆，想快啲拍拖，就嚟連Speed Dating都要去。」
林建明表示當日舉辦心晴行動活動時，白花油國際有限公司執行董事顏福偉捐出白花油，因此今日來「報恩」。提到早前與盧海鵬出席奇妙電視節目記者會時對方發脾氣，她指鵬哥當時幾乎見人就鬧，笑言不知是否更年期：「好似有情緒病咁，我平日都有幫類似嘅人，會約佢食飯傾偈，希望佢能夠快樂。」盧海鵬到場後與林建明、胡楓同枱，鵬哥一見林建明即說：「你想唔想同我坐呀！」林建明扮驚挨到胡楓身邊，其後她拍拍鵬哥心口說：「唔好嬲！下火下火！」之後鵬哥上前跟梁家仁握手，林建明說：「佢見到你先笑番咋！」
姜皓文戰衣想揀白色
至於獲提名香港電影金像獎最佳男配角的姜皓文表示戰衣將交由太太準備：「唔係黑就白啦！但我咁黑，着白色可能好礙眼喎！其實有得同一班師兄提名已經好開心！」
文：影視組