黃建東谷胸嗌Encore
惡搞高手黃建東近日反串扮「高潮女」Seasun，孖前大狀林作拍搞笑短片，東東昨日出席活動直言沒想到回響甚大：「條事業線我谷得好辛苦，喺床度夾到好實，但冇諗過林作好配合，林作媽媽睇完條片都好鍾意，初頭驚會嚇親佢，有機會會搵林作再合作。（林作屋企有冇見到麥明詩啲相？）我有偷雞望，但又唔係好覺。」
此外，原來藝人李綺雯（o靚妹）更早過東東拍片惡搞Seasun，濃妝及假下巴造型一樣爆笑，但只穿印有比堅尼圖案的Tee，未有真露事業線，她稱是得到王祖藍鼓勵而拍片：「玩到好大o架！當日我扮到咁周街行又不停叫。（行搞笑路線？）不嬲唔介意醜化，最緊要大家覺得好笑。」
