主持阮兆祥寫報告
作為電台節目《1圈圈》主持人阮兆祥，在陳逸寧「失驚無神」爆粗事件後，昨日在電話中都忍不住大笑回應：「當然第一個反應係：『吓！』諗唔到佢好順口咁講咗出嚟，我哋大家都呆咗一呆。」祥仔表示因廣播條例不能在節目中講粗口，所以他們一閂咪後，陳逸寧都即刻道歉：「唔好意思呀，我都係順口講咗嗰句對白出嚟。」
祥仔表示事發後，亦已向電台高層匯報事件：「因為我哋都要第一時間寫番個報告，高層都叫我哋要清楚交代番，畀聽眾知我哋嘅態度，所以我哋即刻有講番：如果造成任何聽眾不安，我哋深感抱歉。」祥仔坦言這種情況有時很難控制：「不過佢冇心嘅，佢唔係專登，對於佢嚟講都有個警惕，下次做live節目會小心啲，我諗都係無心之失啫。」