黃文意見張如城變怕醜妹
擁有36D「最強Body」的黃文意（Mandy）參演無綫節目《3日2夜》後，極速升呢成為新一代「咪神」，惟近日不斷收到飯局邀請，令她相當困擾，但她表示未被事件影響心情：「之前我Block咗啲『代理』已經少咗人搵我，不過都想講多次，我絕對唔會出席飯局，希望啲人唔好再嘥時間問我，有時間就做多啲善事回饋社會。」
Mandy早前就出席扶貧晚會，為慈善出一分力，期間更向「亞洲神童」張如城集郵，她說：「今次個活動非常有意義，最估唔到係有張如城做表演嘉賓，所以我都有趁機集郵。（向佢討教唱歌技巧？）咁又冇，我有啲怕醜，下次有機會再問。（會唔會鍾意佢呢類型男仔？）我本身都幾欣賞佢，覺得佢份人低調又有才華。」
