阮頌揚「擔大旗」勁緊張

藝人阮頌揚（Brian）、周嘉莉及葉芷如日前與國藝經理人公司老闆冼國林師傅，於西樵山國藝影城出席「第二屆世界洪拳大賽」。Brian孖實師姐周嘉莉及師妹葉芷如擔任大賽的宣導大使，有幸負責「擔大旗」的他直言緊張到爆：「我哋提早咗一日到場綵排開幕儀式，嘉莉同芷如負責帶領觀眾入場，我有幸畀老闆派我去揸大旗！」Brian透露當日會場雲集各國選手，感覺似足奧運：「有好多來自世界各地例如巴西、美國、印度、俄羅斯嘅選手，齊齊比併套路同兵器。每次選手一攞獎就拎埋國旗上台，好難忘同有歸屬感，感覺好似喺奧運咁！」