王梓軒操肌做大佬打交

歌手王梓軒日前出席電台訪問，他表示有天發了一連串噩夢，夢中他被大家離棄及批判，他醒來後上網睇片平復心情，剛巧看到余文樂與教練操肌的片段，令他得到啟發：「佢教練講咗一句說話好應景，就係要與眾不同必先享受孤獨，可能我啲夢係因為我最近做緊唔同嘅嘢，條路有啲孤獨，但我都要頂硬上，要堅持。」又笑言接收到的另一個訊息就是自己要努力操肌：「我依家拍緊嘅戲要做大佬，好鍾意打交，我之前都操緊，拎埋啲橡筋去佛山拍戲，逼埋劇組其他人同我一齊做。（成果？）都有啲，但我唔想咁快騷出嚟，未有余文樂咁勁，我去到佢嘅五、六成已經好滿足。」