邱李茂琪開P扮港姐

歐洲坊創辦人邱子傑與太太邱李茂琪（Margaret）向來玩得，早前出席旗下公司20周年紀念派對，大玩懷舊風，以藍色為主題，Margaret更自製綵帶、星星形權杖及水晶皇冠扮港姐登場，成功搶鏡，不過仍不及邱子傑和邱瑞光父子檔台上的演出，掀起全晚高潮。邱李茂琪說：「我哋預早準備咗發光牌，用老公同老爺個名寫住『傑哥』和『光光BB』，老公彈結他，老爺就唱歌。（平時係叫老爺做光光BB？）梗係唔係啦，不過老爺都鍾意玩，佢都鍾意唱歌。」她指自己的裝扮只花數百元，現場還播放廿年來同事之的珍貴相片，不少同事更感動得流淚。她說：「因為舖頭喺97年開，同香港一齊經歷97金融風暴和沙士，有8位同事做咗20年，喺台上分享逸事，好感動。」