律師細佬入娛圈…… 方力申：憑咩？

歌手方力申（Alex）與父母及弟弟方圓明，以及黃秋生等昨出席藝術家任哲雕塑個人展覽，Alex弟弟罕有現身公開場合，原來任律師的細佬方圓明對藝術有興趣，更是首次任活動策劃人，33歲的方圓明尚未結婚，名副其實是城中筍盤。Alex說：「佢第一次搞大型展覽，我陪佢兩晚通宵幫手，要用機吊大型作品。」問到會否叫細佬入娛樂圈？他說：「憑咩？（靠家族個樣？）唔得，佢以前都有游水，食極唔肥係鋼條身形，依家唔得。（驚佢紅過你？）唔會，佢事業好好。」他更謂有20多件此藝術家的作品，已升值不少，入門價要20多萬。提到藝術品都幾大件，他笑言要買過萬呎村屋擺放，或者先畀錢後取貨。