古巨基泵水680萬買廠房整餅

古巨基於2014年打本給太太Lorraine在上環開設甜品餅店，開業以來由古太全權揸弗。眼見近年市場興起Pop-up store熱，基仔的餅店先後分別在尖沙咀、銅鑼灣、屯門等開舖。據知，基仔有意將餅店發揚光大，日前豪擲680萬元在葵涌買了二千呎的新廠房，藉此加大工場，更計劃進軍內地開舖。

創作公仔crossover

Lorraine昨日接受電話訪問，承認基仔在葵涌買下二千呎新廠房：「係呀。（會喺大陸開餅店？）係有計劃，可能會同大陸集團有合作計劃，不過遲啲再講。」並透露餅店將會在將軍澳開Pop-up store。一直有做設計生意的基仔早前創作了兩個公仔，分別是兔仔及熊仔，Lorraine說：「遲啲餅店都會推出基仔呢兩個公仔嘅曲奇產品。」據知，基仔這個創作更獲一間化妝品店及電訊公司睇中，將會crossover合作。

古巨基打本給老婆開甜品餅店，生意愈做愈大。	古巨基出名愛錫老婆。	古巨基設計了熊仔及兔仔，以其造型推出曲奇產品。

唔准古太食飯玩電話

日前基仔接受無綫《StarTalk》訪問，談到婚後生活，他說：「依家會平衡工作同生活嘅時間，識得調節。好似食飯時我會要求放低手機，古太一拎出嚟，我就會『厲』住佢。」他又笑言做老婆的輔導員：「佢係緊張大師，我成日都叫佢唔好咁緊張，叫佢放鬆啲同慢活啲。」婚後經常放閃的基仔笑說：「都幾廿歲人，以前冇乜呢啲嘢，一路都係工作，連拍拖都冇乜時間拍，所以想記錄低自己同另一半嘅畫面同埋心情，好似日記咁。」至於生育計劃，他表示隨緣，等上天安排。

此外，忙於為即將舉行向張國榮致敬音樂會排練的基仔說：「我以前做《娛樂新聞眼》時訪問過哥哥好多次，嗰陣時我仲係好green，佢特別照顧我、錫住我，畀咗安全感我。」

文：音樂組