甄子丹避席賽事怕愛駒有壓力

「宇宙最強」甄子丹昨日以打吡大使身份，現身馬場打吡大賽馬匹名單公布會，並參與風褸設計。他在台上稱讚愛駒「宇宙車神」像他一樣靚仔、有型、有power，可惜他每次到場撐愛駒都不會跑出，反而三次拉頭馬他都不在港，笑指可能愛駒怯場及怕醜：「我喺度壓力大，下次唔去。」
子丹透露電玩《Sleeping Dogs》的創辦人是其fans。
子丹透露電玩《Sleeping Dogs》的創辦人是其fans。

對於有指他會接拍大熱遊戲改編電影《Sleeping Dogs》？他承認此事：「係，但依家仲係好初步，外國人會將件事慢慢磨，唔似香港咁彈性，我唔急嘅。（有冇玩過個遊戲？）幾年前有人同我講過，呢個遊戲裏面角色嘅樣貌、動作同造型，好似我好多電影嘅造型，咁我咪上網search吓，見到啲人留言話做呢個game嘅人係我嘅fans，我覺得好有趣，好似我畀咗靈感人做呢個game，人哋又邀請番我拍呢部戲，真係為我度身訂造咁，好有緣分，所以一定要拍。」 問他可會視這部電影為代表作？他直言視每一部電影為代表作，只有抱着這份熱情才能全程投入。

甄子丹參與風褸設計。
  • 甄子丹參與風褸設計。