牧野紗弓超理想情人

野性婀娜

日本寫真界美女眾多，但係未能個個都令大家一見難忘，事關大部分氣質都差不多，身材亦以雪白豐滿為賣點。而要數到令人印象深刻嘅女優，小林惠美絕對係小弟第一個諗起嘅，除咗因為佢美艷不可方物，且身材激凸，由於惠美擁有俄國血統，面上氣息顯得別具風韻。除咗佢之外，新紮寫真美人兒牧野紗弓亦同樣畀到小弟呢種難忘嘅印象。

紗弓今年21歲，但係個樣睇落唔係咁後生，比同齡嘅女仔顯得成熟兼妖媚，點解呢？可能因為阿妹乃係圭亞那同日本嘅混血兒，而南美女仔比較早熟，故紗弓嘅樣子熟少少都唔出奇，不過，紗弓呢副充滿南美感覺嘅面孔卻媚態萬千，迷人非常。另外，紗弓亦擁有一副婀娜胴體，前凸後趷之餘，加上一身古銅膚色，散發出誘人嘅野性美，唔怪得被日本國民形容為超理想體形！

享受被欺負

紗弓來自藝能界，最為人熟悉嘅演出，就係為電視節目《Out X Deluxe》擔任第三代形象女郎，而紗弓之所以廣受注目，某程度上都係要拜第一代嘅阿部未步以及第二代嘅小間千代所賜，事關兩位師姐喺節目中都表現豪放，令觀眾對接任嘅紗弓相當期待，雖然紗弓就唔似師姐咁喺節目中有性感演出，但係胸前巨乳豐滿激凸，一樣夠晒吸睛。

另外，紗弓嘅言談相當大膽，某一次節目邀請到知名AV監督村西亨做嘉賓，紗弓竟毫不怕醜咁話自己屬於M系女仔，即係話喜歡同享受被愉虐，因而令觀眾對佢刮目相看，印象深刻，更稱佢為理想情人！不過紗弓表示暫時嚟講只係享受被男人用語言欺負，唔希望肉體上被虐喎！

社交網站

簡介：牧野紗弓近期主力發展寫真事業，從其Twitter當中可以見到好多關於佢拍寫真嘅消息，當然亦可以見到好多阿妹嘅性感照，Click上去睇一定冇執輸。

網址：https://twitter.com/sayumi_0220?lang=ja

牧野紗弓Profile

年齡：21歲

身高：5呎3吋

三圍：35E-23-34

撰文：賢