婷婷拍拖升級見埋謝洛美父母
藝人謝婷婷與荷里活型男影星「鷹眼」謝洛美維拿（Jeremy Renner）感情撲朔迷離，昨晚她出席護膚品牌活動，終於透露感情有新進展，已升級到見家長！婷婷透露剛從美國返港，此行見了很多監製及導演，問到有否見謝洛美？她甜笑說：「都有。（一齊慶祝第一個情人節？）一齊食過飯，但冇特別慶祝。（認拍拖？）唔好啦，咁快，其實我今次喺嗰邊好積極識好多人，嚟緊又會報讀演戲課程，下個月就會去。（係咪想同男友距離近啲？ ）嗰邊生活適合我多啲，（男友有冇搭路？）冇透過佢，不過佢都好支持我喺嗰邊多啲。」
婷婷又透露此行已見謝洛美父母，還揚言自己性格好，深得長輩愛戴。有否被催婚？她甜笑說：「Oh my god，未去到呢個階段，我都係見咗佢哋幾次！」二人年齡相差12年，婷婷謂大家思想成熟，感情一向憑感覺，心中亦沒特定的Mr.Right。提到早前其兄霆鋒在家煮飯給她和父母品嘗，有網友指看到王菲身影，婷婷否認說：「發誓唔係，我哋未食過飯，但見過。」
同場還有名媛曾昭亮，她表示現時懷孕七個多月，預產期四月底，已有一子的她透露今胎是女兒，湊夠好字。問到是否收工？她說：「都係，唔會特別再追！」
文：名人組