唐詩詠：單身好過揀錯老公
藝人唐詩詠與男友洪永城一度傳出戀情告急，現雖雨過天青，但男友的花弗性格令她留下陰影，故寧願錯過今年的嫁期，也不介意多等幾年，明言女人最怕嫁錯郎！
「絕世好女友」唐詩詠昨日身穿露臍裝出席護膚品活動，示範修胸部線條的動作，期間，其斗零踭鞋的鞋踭不慎攝入卡板，差點仆倒。
早前有傳她搵組合農夫成員C君擇日結婚，她說：「邊會搵佢擇日呀！大家食飯啫！（好事近？）冇諗，呢啲係緣分，結婚係一時衝動。（會閃婚？）可能o架！」對於堪輿學家麥玲玲指她今年若不拉埋天窗就要多等幾年，問是否心急，她說：「好多人咁講，但唔可以因為咁而做呢個決定，寧願單身好過揀錯老公，老公係一世！（Feel到佢有求婚行為？）冇喎！佢嘅行為長期處於玩同過度活躍。（咁咪冇乜安全感？）呢個就係佢性格，造就佢古靈精怪，令到啲節目咁好睇！」
冇畀男友驗胸
此外，唐詩詠透露近年開始跑步及健身：「除咗護膚之外，身體唔可以唔理。（上圍冇乜成效？）依家點睇到呀！」問男友有否讚她做完修胸部線條動作有成效？她即扯開話題：「佢自己都努力收身。（佢有冇驗過你胸部？）冇，做乜要驗？我自己好滿意。（覺得上圍唔夠脹？）重點唔係脹唔脹，係保養同Keep Fit。」
文、攝：音樂組