梁嘉琪搵機會八卦戀情
梁嘉琪與麥美恩合作主持《學是學非》而成為好友，但聲稱沒有問過Mayanne的感情狀況。對於美恩守Dry多年，嘉琪笑說：「我見佢皮膚就唔覺佢Dry囉！（知佢有拍拖？）真係唔知，我都想八吓！」
而嘉琪昨日出席活動時透露將重返母校做司儀，並搞笑地自爆年齡秘密：「今年係母校30周年，之前校慶時搵我就因為工作嚟唔到，今次拍節目返嚟有好多回憶，希望自己冇失禮。我係建校第1年就讀。（已經建校30周年？）我係第1屆嘅學生！哈哈！」提到將為鍾景輝八十大壽宴會擔任司儀，她坦言為此推掉其他工作：「King sir有教過我戲劇，但入無綫就冇合作過。佢依家身體好番好多，今次有老師搵我幫手，有出面工作都推咗！（損失幾多錢？）冇計嘅，做唔到King sir司儀就真係損失！」