「佢睇中我個仔」森美：執番身彩！
對於好友麥美恩獲許文軒暗溝，森美昨日接受電話訪問時表示未收到風，但如果Mayanne真的拍拖一定會恭喜她，問到可認識Edmond？他說：「識，Edmond斯斯文文、好溫文爾雅嗰個嘛！佢哋好襯喎，兩個都鼻大，好有夫妻相！（影到佢哋約食飯喎！）咁係o架啦，又唔見麥美恩約我食飯？我祝佢哋早日結婚，最好秘婚！」
問到可覺得麥美恩「人逢喜事特別姣」？森美笑說：「佢對住我成日都咁姣o架喎！我懷疑佢睇中我個仔，成日叫我做老爺，我真係好驚，我個仔今年13歲咋，美恩年紀大佢好多，依家我個仔都算執番身彩！」
一眾「是非精」輪住有拖拍，身為「大哥」的他是否放心晒？森美說：「係呀！咁多個中最擔心美恩同梁嘉琪，但嘉琪有拍拖，佢男友係我個電台嘅節目監製。其實美恩喺加拿大時好多人追，仲要咩國籍嘅男仔都有，係佢返咗嚟香港冇人追咋嘛，依家有人追咪好囉！」