歌手衛蘭昨日到電台宣傳新歌《驗傷》，她稱之前經常在內地做巡唱，所以趁有空檔即做宣傳。衛蘭在廣東省先後共開了10場演唱會，下一站希望到上海開騷。問到內地歌迷是否好熱情？她說：「係呀。（有冇歌迷做啲好瘋狂嘅事？）試過有歌迷喺酒店做Gym嗰度等我，我係有少少唔開心，因為覺得侵犯咗我私人空間。（點樣騷擾你？）不停同我傾偈，後尾佢知我唔開心，所以最後有同我道歉。」
