阿倫睇AV增值：係課外活動
「樂壇校長」譚詠麟（阿倫）昨日一臉倦容出席「開心搭‧生日獎」港鐵活動，剛由內地返港的他透露因睇足球比賽，僅睡了一小時便上機：「去南寧為節目錄影，返到酒店手痕撳電視，一睇就睇到今朝。」提到李克勤日前在內地上網疑誤睇「盜版波」，阿倫坦言不知情。
「打格仔睇嚟做乜？」
問阿倫有否撳錯非法台睇波？他即發揮搞笑本色說：「撳錯AV台？（有撳入AV台？）AV要畀錢，唔抵呀！打格仔睇嚟做乜？」記者即取笑他有經驗，阿倫說：「咁大個人話冇睇過就呃你，呢啲係課外活動，進修吓。」
提到克勤將於9月舉行30周年演唱會，阿倫抵死地笑對方老：「咁都30年？（其實超過30年？）嗰時未有成就，30年好聽同細啲。（搵你做嘉賓？）未喎，上星期同佢食飯都冇提，如果喺香港一定做嘉賓，我係嘉賓之王，同冇收酬勞之王。」
文：音樂組