唐貝詩去滑雪不忘刨劇本
藝人唐貝詩（Lydia）本月中到內地拍攝網絡電影，跟三屆視帝黎耀祥合作，Lydia表示首度離港拍戲，心情興奮：「o的人問我，你o係第二度拍戲唔怕辛苦咩？我話唔怕，我好鍾意，因為好似去旅行咁，可以去一個未去過o既地方。」
至於跟視帝黎耀祥做對手戲，Lydia坦言既緊張又開心：「佢係好有經驗o既演員，有佢o係度，令套戲更有分量，可以同佢合作，作為新人o既我，係好難得o既機會，我一定會做足功課。因為呢部係民初戲，我會研究民初o既衣着同說話方式，我唔想做番自己，想真係做到個角色。」提到早前跟家人到北海道滑雪，她自言寧願留港刨劇本：「我會帶埋劇本過去，而且我要keep fit，因為上鏡會肥十磅，雖然日本o的o野好好食，但我唔會食太多。」