林聞恩處女下海拍MV

藝人林聞恩（前名：陳聞平）為電影《囧到洛杉磯》唱主題曲，日前更到西環海邊拍MV。終獲第一首自己的歌，她興奮表示：「今次唱主題曲係期望多過壓力，我擺咗好多時間同監製溝通，點樣可以令效果更好！講真，拍MV一啲都唔辛苦，天氣好，團隊又正，演戲我可以好relax，覺得自己好有Talent，反而唱歌就仲未夠好，對自己要求多多，連我妹妹（林熹瞳）都話我最大問題係緊張。呢首係我第一首歌，對我好重要，好多謝公司同妹妹促成呢件事。我妹妹以前覺得我唱歌唔得嘅，但佢見我咁多年都仲咁堅持，依家都變得好幫我，希望我將來做出成績，答謝支持過同幫我嘅所有人！」