鄭希怡時尚條子
東網巨星娛樂節目《星魅博》播出後反應熱烈，深受觀眾歡迎，每集均請來時尚達人，為大家逐一點評不同女星的衣着打扮，並帶來最潮、最in的潮流小tips！本周請來星級造型師郭慶彬（Ricky）擔任客席主持，為大家介紹條子元素。他大讚歌手鄭希怡骨架高瘦，點襯都好睇，反而名模姚書軼彩色條子就襯得格格不入！
「佢骨架高瘦，着衫容易襯得好睇，今次佢全藍打扮，手袖有條子配搭，襯得好好，幾時尚，內襯白色恤衫配長褲，顯得佢更高瘦，我鍾意佢中間粒星星，唔誇張、有時代感。」
徐濠縈
「阿徐真真正正着出橫紋魔法！上面條子衫，下襯唔同色條子裙，突出層次感，我最鍾意佢件上身衫，橫間之餘衫腳有條紋直間，層次分明，再襯白色鞋好outstanding，好正！
姚書軼
「佢條tube dress好睇，顏色線條都靚，裏面襯恤衫嘅襯法喺歐洲係流行，但佢襯得有啲格格不入，最唔靚就係頂紅色帽，雖然用心配搭，效果麻麻哋。」
蔡穎恩
「造型中性，布料同cutting較男性化，型格又時尚。條裙嘅cutting簡單貼身款式，腰位下面有立體剪裁，行路時有動感，用黑白兩色相配，sharp得型！」
周汶錡
「條藍色裙着得好睇，望落去舒服，條紋橫間條都着得唔肥，比例啱啱好，襯紅色手袋、黑色高踭鞋，成個look舒服又高貴，加埋髮型同突出shoulder位，線條流麗清澈，好好睇！」