邵珮詩落淚 喊出戲味

邵珮詩早前在無綫劇集《愛‧回家之八時入席》飾演傻頭傻腦的「殷欣」一角，令不少網友關注，在劇中「殷欣」經常被同事欺負，珮詩自爆拍攝此劇時拍到喊，皆因有次劇中男演員聯盟「偷」她的電話，令她委屈落淚。

男仔蝦女仔

珮詩說：「其實嗰次真係可以訓練到我嘅EQ，當時我發現唔見咗個電話，我係咁周圍搵，點知同我玩開嗰班男演員就拎住個電話同我講：『你部電話咪喺呢度囉！』我當時真係好嬲，諗緊佢哋點解咁樣做！」一頓，她繼續說：「當下我即刻質問佢哋點解要拎我電話？佢哋仲要話冇，最後件事都解決咗，我盡力去冷靜番成件事，因為覺得好似成班人恰一個女仔！之後我就真情流露喊咗出嚟，佢哋都有嚇親。可能我多咗呢啲經歷，所以之後拍某場喊戲都好入戲，不過，拍完都仲喊咗兩個鐘。」

邵珮詩明白不能單單Sell生得靚。	邵珮詩咁有條件，未來發展路向一片光明。	能與黎耀祥（左起）、毛舜筠合作，邵珮詩學到嘢。

組團學跳舞

港姐出身的珮詩入行兩年多，坦言現時舒服過當選階段，更知道自己的定位：「以前係諗住Sell Sweet、靚女，但依家我會覺得自己係活潑同運動性。」珮詩更透露將會與一班圈中女仔組成跳舞團：「我哋成班女仔會組一個團，主要係圍繞跳舞，遲啲都會開個Page，拍片上網娛樂大家。」

場地：英皇紅酒扒房

鳴謝：Barry＠Oneness

文：專案組

攝：吳文聰