艾美琦開騷驚累人破產

o靚模艾美琦（Amy）近年積極轉型做歌手，其經理人Simon見她誠意可嘉，計劃為她在5月舉行小型演唱會，Amy日前殺落旺角街頭獻唱試水溫，她坦言壓力極大：「壓力唔係來自練歌同練舞，而係我驚佢會蝕大本呀！開會嗰陣，佢話會搵專人為我設計歌衫，啲衫又有燈，舞台又話玩乾冰製造仙境效果，又玩漫天星光咁，我真係好驚冇人買飛睇，到時佢破產或者會自殺都唔定，我唔知點同契媽（黃夏蕙）交代！（旺角街頭演唱反應點？）開頭真係得幾個觀眾，好彩後來愈來愈多人圍觀，有好多仲聽足一粒鐘，令我信心都大咗，依家每日都會練歌同排舞，希望以最佳狀態迎接個唱。」