陳嘉桓做Madam嗌興奮

藝人陳嘉桓前晚在屯門為陳國坤監製的網劇《反黑》拍攝外景，飾演反黑組警察的她淡妝上陣、紮馬尾，她認為角色較男人婆故拍攝期間都Keep住面圓圓。初演警察的她直言興奮：「拍攝時要將假槍綁喺腰間，好型！有場追逐戲喺街拍，我邊跑邊用件衫遮住支假槍，驚嚇親人。」
陳嘉桓化身女警，好英呀！
陳嘉桓化身女警，好英呀！

擔任監製兼主演的陳國坤，更出動老婆黃伊汶客串演他的女友，又笑謂角色正經，不需要拍親熱戲。而黃伊汶則表示與老公合作拍戲未有因而嗌交，反而多了話題，更大讚老公型仔：「佢執到好正呀，平時都唔係咁嘅，我都問佢平時同我去街可唔可以都執到咁正，日日都擸頭！」

黃伊汶（右起）為老公陳國坤客串，與陳小春、陳嘉桓（左）等合作。
  • 黃伊汶（右起）為老公陳國坤客串，與陳小春、陳嘉桓（左）等合作。