周秀娜傷韌帶變「風濕」

藝人周秀娜（娜姐）與歌手陳柏宇（Jason）昨日出席服裝品牌活動，娜姐即席跟Jason大玩kick boxing，並指拍戲時曾弄傷韌帶，玩kick boxing可訓練身體其他部位肌肉來支撐受過傷的韌帶，減輕韌帶受壓，娜姐自嘲現在很像老人家：「翻風落雨都會痛，早一日會特別腫。」談及她於電影《女士復仇》的角色很惡，娜姐笑說：「好正，可以光明正大地講粗口。（平時偷偷摸摸講？）我好少講，平時我喺片場聽就聽得多，聽到覺得好開心、好親切，但佢哋一聽到我講就笑，應該少聽我講，我講得唔係好自然。（平時會唔會講？）不嬲自己喺屋企發脾氣都會講，對住外人盡量唔好。」