周杰倫耍雙節棍High爆揈落台

台灣天王周杰倫、孫燕姿、林俊傑、陳奕迅、張靚穎及李玟等前晚現身澳門新濠影滙，為《太陽城集團10周年傳奇之夜》擔任表演嘉賓，眾星先後上台獻唱，李玟以超短裙勁歌熱舞，而燕姿與莫文蔚獻唱時舞台徐徐升起，以歌聲將晚會氣氛推向高峰。

觀眾爭住搶

當中Jay以壓軸姿態現身令全場High爆，他先以快歌打響頭炮，然後又與林俊傑合體演出，Jay彈琴大晒功架。而在演出尾聲，Jay獻唱首本名曲《雙節棍》時，與舞者耍棍晒身手，High爆的他更將手中雙節棍拋落舞台送給觀眾，台下觀眾未有擔心危險，伸手嘗試接住Jay的「飛棍」，幸未有發生意外。

周杰倫	孫燕姿與舞蹈員演出，帶動全場氣氛。	張靚穎唱得全情投入七情上面。

薛凱琪(目及)莊思敏

而當晚以Deep V晚裝現身做觀眾的莊思敏（Jacquelin），在貴賓區與楊千嬅、薛凱琪及蘇麗珊等齊齊睇騷，谷出湯碗巨咪的Jacquelin惹來身旁的薛凱琪不禁眼望望，期間更引來一名西裝男士搭訕，更不時咬耳仔，傾得相當投契！而千嬅當晚撐場支持有份籌備晚會的老公丁子高，見她睇足全晚心情勁靚，揮晒手又跟住唱歌，相當投入。

楊千嬅撐老公去澳門睇騷。

莊思敏谷胸現身，薛凱琪都忍唔住(目及)。

採：追蹤組

文：影視組