吳業坤買樓為咗繁殖囉！

藝人吳業坤與張秀文前晚亮相話題節目《有樓萬事足》，身為「屋邨仔」的坤坤坦言自小已有意買樓給媽媽：「做得呢行真係要未雨綢繆，不過當你愈了解呢個世界，就發現愈難追得上！依家100萬都畀唔到首期，買200幾、300呎嘅樓，第時同阿媽定老婆住好呢？」不過，坤坤仍表示會「爭氣」努力買樓，講到想買樓與組織家庭，他一時口快說：「唔係話買到樓就爭氣，係必須有個地方去畀你繁殖……畀你開枝散葉！」事後，坤坤笑言有時用詞不太恰當：「不過都表現到我個意思，事實上係要有個地方先可以繁殖喎！絕無嘩眾取寵成分，其實仲講咗好多嘢，但節目最終只有呢部分。」