蔚雨芯全面進化 同方皓玟撞樣

兩大性感尤物蔚雨芯與Jessica C.（JC）昨日一同出席活動，久未露面的蔚雨芯以超低胸打扮谷盡招牌「魔鬼胸」，還來個大變身，髮型與妝容似足歌手方皓玟！至於升呢靚媽的JC收起性感，雖身穿Tube Dress但未見睇頭，「警鐘胸」慘敗於「魔鬼胸」，但JC坦言不介意：「我依家已經係唔同嘅Jessica，以前我會好想着得性感，但依家我唔抗拒，但覺得冇必要！因為做咗媽咪，依家個女先係最重要！」

成功搶Fo的蔚雨芯席上頻以長髮遮胸，她解釋並非想遮掩：「Fashion嘅嘢每人角度唔同，我唔係刻意遮！（驚露點？）冇！我好穩陣，好耐冇返嚟香港，依家喺北京拍劇，所以要氹吓啲Fans！」對於胸贏性感女神JC？她認為二人風格不同，又讚對方的女兒可愛，但自己不急於結婚生BB，希望趁年輕搏殺！

方皓玟	入行豬仔包 蔚雨芯面試港姐後入行，當年被指貌似周秀娜。	前年面面俱圓 蔚雨芯入行後樣貌零舍不同，唯一不變的是包包面。

密密造想啤多兩件

此外，JC透露女兒下月23日便滿一歲，問到現時是否全職湊BB？她說：「因為Andy（安志杰）嚟緊3至7月要拍戲，所以我要照顧個女，同埋我仲餵緊人奶。我本來打算餵夠六個月就停，但個女好健康、活潑同好動，我想將最好嘅嘢畀佢，所以佢想飲到幾時就幾時。（幾時再追BB？）我希望生多一仔一女，我鍾意做媽咪嘅感覺，係我最喜歡嘅工作！（開始造人？）試緊。」她又表示10月會與安志杰於美國正式結婚。

JC露肩上陣未有響「警鐘」，遭蔚雨芯搶晒風頭。

JC與蔚雨芯即場「下廚」，用「紙菜」炮製大碗靚麵。

文：名人組