李克勤叫老婆留喺屋企
歌手李克勤為紀念今年入行30周年，入紙紅館申請9月檔期，成功獲批並成為加盟英皇頭炮的紅館騷。克勤昨日到電台宣傳新歌《C3PO》時報喜，並笑說：「其實都唔係好想記住入咗行30年，係公司提我，就當總結一吓。」他透露會邀請過去30年在音樂上影響他的人做個唱嘉賓，記者笑指可邀請太太盧淑儀上舞台，克勤耍手擰頭說：「唔好玩呢啲，佢喺屋企得喇。」
相隔六年再Solo
克勤分別於2013年及2015年與譚詠麟及容祖兒拍住開紅館騷，對上一個個人演唱會已是2011年7月與香港小交響樂團合作，難怪相隔6年再開個人騷的他一臉興奮，問到開多少場，克勤說：「要返公司睇先知，不過場數唔係問題，我真係有好多年冇開一個人嘅騷。」
想參與番頒獎禮
去年頻頻北上搵「人仔」的克勤，坦言今年會「做回」香港歌手：「今年對自己許下一個承諾，就係想今年底或明年初參與番頒獎禮，希望可以鞭策自己，當然希望可以喺環境許可下去做。」問到是否賺好多「人仔」，克勤即說：「唔好講呢啲，屋企負擔大。」
文、攝：音樂組