林家棟角逐影帝 爭番啖氣

藝人林家棟早前憑電影《樹大招風》入圍今屆金像獎「最佳男主角」，昨日他接受電台訪問時承認當日離開電視台時，有些人暗笑他不懂做戲，如今首次角逐金像獎「最佳男主角」，會否覺得爭番啖氣？家棟說：「又唔係踩嘅，好多人將主觀嘅諗法配喺人身上，依家只係覺得好孤獨，因為冇人明白我所做嘅嘢。（曾經受冷言冷語？）又冇乜，有個好朋友之前都話我離開電視台好傻，日前見番佢，佢同我講真係估我唔到，呢啲係夢想嘛！」入圍「最佳男主角」的還有余文樂、任賢齊、梁家輝及吳鎮宇，家棟說：「冇話邊個係勁敵，佢哋演嘅角色都難駕馭，信心就一半半啦。」