玄學星相：張智霖靚靚有接班人 「魔童」入行賺到笑！
所謂「唔怕生壞命，最怕改壞名」，不少明星藝人都會為仔女改乳名，例如黃曉明與Angelababy的兒子「小海綿」、張智霖與袁詠儀的兒子「魔童」，以及陳妍希與陳曉的囝囝「小星星」，原來取乳名亦會影響小朋友的運程！今集東網巨星節目《玄學星相》就邀得堪輿學家李居明，以玄學角度分析「星二代」的運程。
榮升父母的黃曉明與Angelababy幫囝囝取乳名「小海綿」，李居明指這個名字改得好：「佢囝囝屬木，但生喺一個萬天風雪之地（意指冬天），所以佢嘅『木』係唔健康，而『小海綿』呢個名就能夠為佢帶來更多水同木。『海綿』代表水同木，水木能夠旺佢棵木，即係旺個BB！」他又指「小海綿」之後有望入行，更會行60年事業運，在圈中長做長有！
陳妍希囝囝宜加「木」
而張智霖與袁詠儀（靚靚）的兒子「魔童」樣貌出眾，而且甚有表演欲，李居明直言他將來可以繼承父母衣鉢：「當佢一行入『火土運』，就會搵錢兼有成就，28歲嘅時候有機會入娛樂圈，同埋佢嘅桃花係旺到不得了！」
至於陳妍希與陳曉的兒子乳名是「小星星」，寓意平安喜樂，李居明指這個名字同樣改得合適：「『小星星』生於冬天，八字屬火，但佢唔夠木同火，而『小星星』呢3個字可以減少咗佢唔好嘅地方。」他又提議「小星星」取名Sunny或Woody為英文名：「即係好多木嘅意思，可以保番佢八字不足。」並認為「小星星」將來亦有機會入行做明星。想繼續聽師傅點講？記住Click入東網巨星睇《玄學星相》！
https://goo.gl/pxtWhc
文：專案組