東網巨星：鄧佩儀破格魚蛋妹跳港女十式
華姐冠軍鄧佩儀（Gloria）近年劇接劇活躍幕前，東網巨星節目《區區有女神》今集邀請被封「文青女神」的她現真身踩入銅鑼灣，角色扮演破格化身魚蛋妹，附送港女十式可愛甫士冧客，更炮製鮮乳酪杯益街坊！
獲網民公認充滿文青氣質兼有甜美笑容的華姐冠軍鄧佩儀（Gloria），早前於無綫劇集《幕後玩家》化身「炒散王」做勻侍應、司機及臨時演員等，備受觀眾喜愛，身為新一集東網巨星節目《區區有女神》主角的Gloria繼續大玩「角色扮演」，突破「乖乖女」形象化身小食店店員，親身在銅鑼灣街頭叫賣魚蛋及碗仔翅等地道美食。
撒嬌放電
初時遇上怕醜途人被請食檸檬的「魚蛋妹」Gloria，終靠靚樣成功吸引食客停步兼邀自拍，期間她與幾位學生玩得不亦樂乎，更主動拜師學藝於街頭即學「港女自拍十式」，實行賣萌電暈路人！Gloria又玩轉鵝頸橋街市，深入菜檔研究「今晚食乜餸」，為食的她買餸時更撒嬌扭計令老闆加送粟米！
女神「貼地」於街頭賣魚蛋兼巡視街市仲未玩夠，再換上晒腿戰衣，落手炮製鮮果乳酪杯周街派益街坊，Gloria先找來四位後生仔女試食，並將「Yes」及「No」紙牌交給他們評定乳酪好食與否，結果獲得一致讚賞！
爭住試食
其後Gloria繼續在鬧市「狩獵」靚仔食客，找來「六四分界型男」試味，食得相當滋味，更問Gloria可否「外賣」拎走繼續食！另有兩位俊男粉絲唔執輸要求試食，畀完「Yes」更順勢向Gloria集郵，女神魅力沒法擋！想睇呢位文青女神點樣破格變身玩角色扮演？依家即刻去東網巨星睇視頻啦！
登龍街拉麵迷必到
銅鑼灣為港島區購物、娛樂消閒熱點，名店商舖林立，其實有條偏僻小街登龍街人氣都相當旺盛，位於軒尼詩道與羅素街後面，當中有最少五間日本拉麵店，仲有唔少上樓居酒屋，猶如置身小日本，晚上有大批巿民排長龍等食拉麵。
女神的秘密 有味癖
氣質斯文兼有文青Feel的Gloria搞笑自揭「有味」怪癖，原來她最愛狂聞「書卷氣」，她解釋是對開封的新書氣味相當着迷，小時候經常被哥哥取笑為怪人：「哥哥成日覺得我好怪，我直頭可以就咁齋聞成日！」
Profile
身高：1米69
三圍：34、24、34.5
Instagram追隨人數：近9萬
簡歷：國際中華小姐冠軍、溫哥華華裔小姐冠軍、曾演無綫劇《點金勝手》、《幕後玩家》、現為無綫力捧小花之一
化妝、髮型：敏儀、Jamie Lee
場地：渣哥一九九六（銅鑼灣）
https://goo.gl/oTUe4X
文：林希孺
攝：吳文聰